06.11.2024 tarixində Azərbaycan Dövlət Pedaqoji Universiteti, Tarix və coğrafiya fakültəsi tələbələri və Tərəqqi dərnəyinin təşkilatçılığı ilə 44 günlük Vətən müharibəsinə həsr olunmuş "Şanlı Zəfər" adlı tədbir keçirilmişdir.
Tədbirdə ilk növbədə Şəhid yaxınları Məmmədova Pərvanə və Əliyeva Nabat, daha sonra universitetimizin tələbəsi 44 günlük Vətən müharibəsi Qazisi Kərimov Elşad çıxış etmişdir.
Çıxışlardan sonra "Bayraq" şeiri, tələbələrimizin hazırladığı "Şuşa: Dərsin 44 dəqiqəsi" səhnəciyi, gitar və skripka ifasında musiqilər, Mikail Mirzənin "Sizi qınamıram" şeiri, "Zəfər" rəqsi və sonda tar-qarmon ifası olmuşdur.
Fakültənin dekanı dos. Asif Axundov Zəfər Günü ilə bağlı çıxış edərək tədbir iştirakçılarını təbrik etmişdir. Ardından alqışlarla tədbirə yekun vurulmuşdur.
.