ADPU-da Ümumi coğrafiya kafedrası 1934-cü ilin may ayında təşkil olunmuşdur. Bu dövrdə kafedrada akademik A.N.Cavaxişvili, və “Fiziki coğrafiya kursu”, “Zaqafqaziyanın fiziki coğrafiyası” kitablarının müəllifi prof. A.F.Lyayster, üçün rusca - azərbaycanca coğrafiya lügətinin müəllifi Q.L.Xalfen, dos.M.M.Əliyev və digər tanınmış alim-pedaqoqlar çalışmışlar. 1966-cı ildə Fiziki coğrafiya kafedrası təşkil olunmuşdur. Kafedraya 1966-1973-cü illərdə Əməkdar elm xadimi, prof. Nurəddin Kərəmov, 1973-1983-cü illərdə prof. Ramazan Tarverdiyev, 1984-1989-cu illərdə dos. Vasif Nəbiyev, 1989-1998-ci illərdə dos.Bəhlul Cəfərov, 1998-2008-ci illərdə dos. Alı Əliyev, 2008-2013-cü illərdə dos.Nərminə Süleymanova rəhbərlik etmişdir. Kafedranın fəaliyyəti dövründə 2 elmlər doktoru, 8 fəlsəfə doktoru dissertasiyası müdafiə olunmuşdur. Ekologiya ixtisasında təhsil alan tələbələrin yüksək ixtisaslı mütəxəssis kimi yetişməsi və respublikamızda ekoloji kadrlara olan tələbatı ödəmək məqsədilə 2008-ci ildə Ekologiya kafedrası yaradılmışdır. Kafedranın ilk müdiri dos.Mustafa Əliyev (2008-2011) olmuşdur. Kafedraya 2011-ci il tarixdən 2013-cü ilədək dos.Yavər Əliyev rəhbərlik etmişdir. 2014-cü ildə Fiziki coğrafiya və Ekologiya kafedraları birləşərək, Fiziki coğrafiya və Ekologiya kafedrası adlanmışdır. Ümumi coğrafiya kafedrası 1974-cü ildə Fiziki coğrafiya kafedrasının iki hissəyə bölünməsi nəticəsində yaranmışdır. Kafedraya 1974-1977-ci illərdə dos. Pullu Mirzəyev, 1978-1991-ci illərdə prof. Şahalı Həsənov, 1992-1997-ci illərdə yenə dos.Pullu Mirzəyev, 1997-2007- ci illərdə dos.Mustafa Əliyev, 2007-2012-ci illərdə dos.Mətanət Əsgərova rəhbərlik etmişdir. Kafedranın fəaliyyəti dövründə 1 elmlər doktoru, 8 fəlsəfə doktoru dissertasiyası müdafiə edilmişdir. Son illərdə kafedranın əməkdaşlarından dos.Nurəddin Uluxanlı “Tərəqqi” medalı (2012) ilə təltif edilmişdir. Hazırda fəaliyyət göstərən Ümumi coğrafiya kafedrası 2015-ci ildə Fiziki coğrafiya və Ekologiya kafedrası ilə Ümumi coğrafiya kafedrasının bazası əsasında təşkil olunub. Yeni təşkil olunmuş kafedraya coğrafiya elmləri doktoru, dosent Məhəmməd Abdu oğlu Abduyev rəhbərlik edir. Kafedrada 2011-2016-cı illərdə 47 nəfər magistr hazırlanmışdır. Kafedra əməkdaşları tərəfindən pedaqoji institut və universitetlər üçün coğrafiya ixtisasları üzrə 50-dən artıq dərslik və dərs vəsaitləri, abituriyentlər üçün coğrafiyadan vəsaitlər, o cümlədən 180-dən artıq elmi məqalə, yeni fənn proqramları nəşr olunmuşdur. Kafedrada Azərbaycanın müasir ekocoğrafi şəraitinin və təbii ehtiyatlarının tədqiqi, təbii ehtiyatların səmərəli istifadəsi, onların mühafizəsi və bərpası üzrə elmi-tədqiqat işləri aparılır. Son illərdə kafedra müdiri Məhəmməd Abduyev “Azərbaycanın dağ çaylarının hidrokimyəvi xüsusiyyətlərinin tədqiqi və su ilə təminatın ekoloji təhlükəsizliyinin qiymətləndirilməsi” (2013) mövzusunda doktorluq dissertasiyasını, kafedranın baş müəllimi Cahan Məmmədova isə “Böyük Qafqazın cənub yamacı geosistemlərinin landşaft-ekoloji potensialının qiymətləndirilməsi” (2018) mövzusunda fəlsəfə doktoru dissertasiyasını müdafiə etmişlər. Hazırda kafedrada 2 nəfər doktorant (Aygün Kərimova, Seyidnisə Əliyeva) və 1 nəfər dissertant (Türkan Məmmədova) var. Son 5 ildə kafedra əməkdaşları 4 monoqrafiya, 3 dərslik, 4 dərs vəsaiti, 28 məqalə (15-i xaricdə), 21 proqram nəşr etdirib. 16 beynəlxalq, 12 respublika konfransında iştirak edib. Kafedra müdiri, coğrafiya elmləri doktoru, dosent Məhəmməd Abduyev 2014-2018-ci illərdə AMEA Coğrafiya İnstitutunun nəzdində fəaliyyət göstərən Dissertasiya Şurasının üzvü olmuş, 2019-cu ildən isə Azərbaycan Respublikası Prezidenti yanında AAK-nın Coğrafiya üzrə Ekspert Şurasının, ADPU və SDU “Xəbərlər” jurnalının redaksiya heyətinin, “Sudan istifadə sahəsində Mütəxəssislər” İctimai Birliyinin üzvü, 2021-ci ildən  AMEA Coğrafiya İnstitutunun nəzdində fəaliyyət göstərən Dissertasiya Şurasının sədridir.

Ətraflı