Kafedrada müasir təhsil sisteminin xüsusiyyətlərinə uyğun olan yüksək ixtisaslı mütəxəssislərin hazırlanması üçün bir çox sahələri əhatə edən 30-dan çox müxtəlif fənnin tədrisi həyata keçirilir.

Kafedranın tədris etdiyi fənlər, yüksək ixtisaslı mütəxəssislər tərəfindən azərbaycan və rus dillərində tədris olunur.

Tədris olunan fənlər üzrə tədrisin keyfiyyətini artırmaq, tədris prossesinin səmərəliliyini yüksəltmək, o cümlədən, tələbələrimizin müxtəlif sahələr üzrə nəzəri biliklərlə yanaşı, həm də təcrübi vərdişlərini artırmaq məqsədi ilə mütəmadi olaraq coğrafiyaçı alimlərin və pedaqoq mütəxəssislərin iştirakı ilə elmi seminarlar keçirilir. Təhsil müddətində tələbələrə qazandıqları biliklərin real həyatda istifadə edilməsi aşılanır. Bu mənada coğrafiyanın tədris metodikası sahəsində nəzəriyyə və praktika arasında körpü və tarazlıq yaratmaq kafedrada dəyər verilən önəmli istiqamət hesab olunur.

İqtisadi-sosial coğrafiya ixtisası üzrə kafedrada dos.Ç.Rəşidov, dos.S.R.Qaramollayev, dos.Ü.M.Əsədov, dos.L.Nəsibzadə, dos.T.Mirzəyeva, dos.A.Mirzəzadə, dos.Y.Mirzəyev, prof.A.Qurbanzadə, dos.Y.Q.İsmayılov, müəl.N.Rəhimov kimi mütəxəssislər çalışmışlar. 

Kafedra əməkdaşları tədris prosesi ilə yanaşı geniş miqyaslı elmi-tədqiqat, elmi-pedaqoji və ictimai-siyasi tədbirlərdə iştirak edir. Kafedranın professor-müəllim heyəti iki istqamətdə - sosial-iqtisadi və coğrafiyanın orta və ali məktəblərdə tədrisi metodikası istiqamətində elmi-tədqiqat işi aparır.

Hazırda dos.O.K.Alxasov, dos.D.M.Ələsgərov, dos.M.İ.Verdiyeva, b/müəl.S.İ.Həsənova, müəl.F.A.Məmmədova, müəl.M.N.Sadiq “Coğrafiyanın tədrisi metodikası” ixtisası üzrə fəaliyyət göstərirlər. İqtisadi-sosial coğrafiya ixtisası üzrə isə kafedrada dos.M.X.Məmmədov, dos.S.H.İmanova, dos.R.S.Səfərov, b/müəl.K.B.Bayramov, b/müəl.Q.M.Səmədov, b/müəl.V.E.Tağıyeva, müəl.N.Zamanova, müəl.S.Ə.Əmirəliyeva, müəl.P.Orucova, müəl.L.M.Abasova, müəl.L.İ.Əliyeva çalışırlar.

Kafedranın istiqamətinə uyğun olaraq kafedra əməkdaşları iqtisadi-sosial coğrafiya ixtisası üzrə “Regionlarda təsərrüfatın və əmək ehiyatlarının ərazi təşkilinin qanunauyğunluqlarının və xüsusiyyətlərinin tədqiqi (İqtisadi coğrafiya və sosial coğrafi tədqiqat)” və coğrafiyanın tədrisi metodikası ixtisası üzrə “Ali və orta ümumtəhsil məktəblərində coğrafiya dərslərinin keyfiyyətinin yüksəldilməsi yolları” elmi-tədqiqat işləri aparırlar.

Ümumtəhsil məktəbləri üçün ilk milli coğrafiya dərsliklərin yazılmasında kafedra əməkdaşlarının böyük rolu olmuşdur. Prof.N.N.Allahveriyev (VII s.), dos.T.P.Gərəyzadə (IX s.), b/müəl.K.M.Əkbərov (X s.), dos.D.M.Ələsgərov (VII s.), dos.O.K.Alxasov (VII, IX s.) ənənəvi proqram əsasında yazılmış coğrafiya dərsliklərinin, dos.O.K.Alxasov (X s.) və b/müəl.Q.M.Səmədov (VII s.) isə kurikulum əsasında hazırlanmış yeni coğrafiya dərsliklərin müəlliflərindən biri olmuşlar.

Ali məktəb tələbələri üçün kafedrada çoxlu sayda dərslik, dərs vəsaitləri və və metodik tövsiyələr hazırlanmışdır. Kafedranın əməkdaşları dos.O.K.Alxasov “Coğrafiyanın tədrisi metodikası” (2013) adlı dərsliyinin, dos.M.X.Məmmədov “Dünya təsərrüfatı” (2011) adlı dərs vəsaiti, “Regional konseptual inkişaf: iqtisadi-ekoloji problemlər” (2014) adlı monoqrafiyanın, b/müəl.Q.M.Səmədov “Coğrafiya ensiklopediyası”nın (2012) müəllifləridir. Son illər b/müəl.K.Bayramovun “Dünyanın iqtisadi və sosial coğrafiaysı (Regional hissə)” (2019), “Təbiətdən istifadənin iqtisadi coğrafi və ekoloji problemləri”, dos.S.H.İmanovanın “Dünyanın iqtisadi və sosial coğrafiyası (Afrika ölkələri)” (2016),  dos.M.İ.Verdiyevanın “Əxlaqi-mənəvi dəyərlər” (2015), b/müəl.V.E.Tağıyevanın “İqtisadi və sosial coğrafiyanın əsasları” (2018) və s. kimi dərs vəsaitləri çap olunmuşdur.

Son 5 ildə kafedrada aşağıdakı dərslik və dərs vəsaitləri nəşr olunmuşdur. dos.O.K.Alxasov “Coğrafiya (X sinif)” (2017) dərsliyinin, “Coğrafiya (X sinif)” (2017) adlı metodik vəsaiti, “Coğrafiya” (2018) 7-ci sinif üçün vəsaiti b/müəl.Q.M.Səmədovun “Coğrafiya (VIII sinif)” (2016) adlı dərsliyi,  b/müəl.V.E.Tağıyevanın “İqtisadi və sosial coğrafiyanın əsasları” (2018) dərs vəsaiti, b/müəl.K.B.Bayramovun “Dünyanın iqtisadi və sosial coğrafiyası” (2019) adlı dərs vəsaiti,   dos.S.H.İmanovanın “Dünyanın iqtisadi və sosial coğrafiyası (Afrika ölkələri)” (2016), b/müəl.K.B.Bayramov və F.A.Məmmədovanın “Dünyanın iqtisadi və sosial coğrafiyası” (2018) adlı dərs vəsaiti, dos.S.H.İmanovanın “Dünyanın iqtisadi və sosial coğrafiyası (Latın Amerikası, Afrika, Avstraliya və Okeaniya ölkələri)” (2016) adlı metodik tövsiyəsi nəşr olunmuşdur.

Kafedranın dosenti M.X.Məmmədov iqtisadi coğrafiya üzrə elmlər doktorluğu dissertasiya işini müdafiə edərək coğrafiya elmləri doktoru elmi dərəcəsi almışdır. Kafedranın əməkdaşları L.Əliyeva, F.Məmmədova üzərində çalışdıqları fəlsəfə doktorluğu üzrə dissertasiya işlərini tamamlayaraq kafedrada müzakirə etmiş və Müdafiə Şurasına təqdim etmişlər.

Kafedrada bir elmlər doktorluğu (dos.M.İ.Verdiyeva) və bir fəlsəfə doktorluğu istiqaməti üzrə (A.S.Verdiyeva) elmi-tədqiqat işi aparır.

Kafedrada “Coğrafiyanın tədrisi metodikası və metodologiyası” ixtisası üzrə magistr hazırlığı aparılır və hazırda 16 nəfər magistr təhsil alır.