Tarix və coğrafiya fakültəsi2016-cı ilin mart ayının 9-da ADPU-nun ElmiŞurasının 3/87 əmri ilə ləğv olunmuş “Tarix”fakültəsi və “Coğrafiya və Çağırışaqədərki Hazırlıq” fakültələrinin bazasında yaradılmışdır. Həmin tarixə qədər hər iki fakültə uzun yol keçmişdir. Azərbaycan Pedaqoji İnstitutu təşkil olunduqdan az sonra 1922-ci ilin sentyabrında institutda Tarix-ictimaiyyət şöbəsi yaradıldı. 1925-1926-cı tədris ilində artıq institutda Tarix-ədəbiyyat şöbəsi fəaliyyət göstərirdi. Həmin tədris ilinin əvvəlində bu şöbə iki müstəqil şöbəyə ayrıldı. Tarix şöbəsinin dekanı vəzifəsinə prof. Əziz Übaydulin (1922-1927) təyin edildi. 1923-1924-cü tədris ilində şöbənin nəzdində “Tarix və etnoqrafiya” muzeyi təşkil edildi.

1929-cu ildə Pedaqoji İnstitut müstəqil ali məktəb kimi yenidən fəaliyyətə başlayanda Tarix-ədəbiyyat şöbəsi yenidən təşkil edildi. Az sonra həmin şöbənin bazasında eyniadlı fakültə yaradıldı. Həmin vaxtlar fakültədə işləyən gənc tarixçilər Həsi Abdullayev, Məhəmməd Bayramov, Həmzə Qasımzadə tariximizin müvafiq dövrlərinin tədqiqində, tarix elminin inkişafında, tarixçi kadrların hazırlanmasında böyük xidmətlər göstərdilər. Həmin dövrdə Təbiyyat - kimya fakültəsində fəaliyyət göstərən Coğrafiya şöbəsinin bazası əsasında 1934-cü ildə müstəqil Coğrafiya fakültəsi təşkil edildi.Coğrafiya ixtisasına uyğun yeni kafedralar təşkil edildi.Müharibə ərəfəsində fakültənin dekanı vəzifəsinə Səlimə Əfəndiyeva ( 1938-1941 ) təyin edilmişdi. Bu illərdə tarixçilərimiz xeyli elmi uğurlar əldə etdilər. 1946 -cı ildə Ümumi tarix kafedrasının müdiri dos. Ə.S.Sumbatzadə ( 1947 ),  Azərbaycan tarixi kafedrasının müdiri İsmayıl Hüseynov, Zülfəli İbrahimov (1948) Moskva Dövlət Universitetinin Elmi Şurasında doktorluq dissertasiyası müdafiə etdilər.1957-ci ildə 5 illik təhsil sisteminə keçidlə əlaqədar olaraq Tarix və Filologiya fakültələri birləşdirildi. Birləşmiş fakültəyə dos.Azər Hüseynov, və  dos. Şükür Sadıqov rəhbərlik etdilər. Bu illərdə coğrafiya fakültəsində də kadr hazırlığı işi xeyli genişləndirildi. Fakültənin dekanı M.Zülfüqarovun səyi nəticəsində 50-ci illərdə tədris və elmi işlər sahəsində mühüm nailiyyətlər əldə edildi. Lakin subyektiv amilər üzündən 1959-cu ildə BDU-nun coğrafiya fakültəsinə birləşdirilən fakültə bir müddət fəaliyyətini dayandırdı.1963 - 64 - cü tədris ilindən Tarix - filologiya fakültəsi iki müstəqil fakültəyə ayrıldı. Tarix fakültəsinə dos.Həmzə Qasımzadə ( 1963 - 1974 ) dekan vəzifəsinə seçildi. Sonrakı dövrlərdə  fakültəyə prof. Ə.Ş.Şahmirov ( 1974 - 1980 ), prof.Yusif Yusifov ( 1981 ), prof.Dərgah Qüdrətov (1981-1995), dosent Rəhim Əliyev ( 1995 - 2006 ), prof. Oqtay Sultanov ( 2006 - 2016 ) rəhbərlik etdilər. 

Coğrafiya fakültəsi - 1921-ci ildə cəmi 6 nəfər tələbə ilə fəaliyyətə başlayan Ali Pedaqoji İnstitutun 1923 - 24 - cü tədris ilində 28 nəfərdən ibarət ilk buraxılışı oldu. Məzunların 14 nəfəri Təbiyyat - coğrafiya fakültəsinin Təbiyyat şöbəsini bitirmişdilər. Təbiyyat - coğrafiya - kimya fakültəsində fəaliyyət göstərən Coğrafıya şöbəsinin bazası əsasında 1934 - cü ildə ilk dəfə müstəqil Coğrafiya fakültəsi təşkil edilmiş, coğrafiya ixtisasına uyğun yeni kafedralar yaradılmışdı. Müstəqil fakültə olaraq ilk buraxılış 1938-ci ildə olmuşdur. Böyük Vətən Müharibəsi illərində fakültə Azərbaycan Dövlət Universitetinin (indiki BDU) coğrafiya fakültəsi ilə birləşdirilir. 1946-cı ildə ADPU-da coğrafiya fakültəsi yenidən yaradılır.1959-cu ildə BDU-nun eyni adlı fakültəsinə birləşdirilən Coğrafiya  fakültəsinin fəaliyyəti yenidən bərpa edildi. Respublikanın coğrafiya müəllimlərinə ehtiyacını nəzərə alaraq ADPİ-nin Kimya-biologiya, sonra isə Biologiya-kimya fakültəsinin tərkibində coğrafiya  şöbəsi fəaliyyət göstərdi.1981-ci ildən Coğrafiya fakültəsi müstəqil fəaliyyət göstərməyə başladı.

Fakültəyə dos.S.B.Məmmədov (1978-1981), dos.Ə.N.Əsədov (1981-1989), prof.Ş.G.Həsənov(1989-1991), prof.X.Ə.Vəliyev (1991-1996), dos.Y.Q.Əliyev (1996-2002), dos.M.C.Əliyev (2003-2011) və dos.M.M.Əsgərova (2011-2016)rəhbərlik etmişdir.Fakültədə əvvəllər yalnız coğrafiya ixtisası üzrə mütəxəssis hazırlandığı halda, sonralar həm də menecment, ekologiya, fiziki tərbiyə və gənclərin çağırışaqədərki hazırlığı müəllimliyi ixtisasları üzrə də mütəxəssis hazırlanırdı. 

2016-cı ildən Tarix və coğrafiya fakültəsində “Tarix müəllimliyi”, “Coğrafiya müəllimliyi”,Tarix və coğrafiya müəllimliyi” və “Sosial iş” ixtisasları üzrə mütəxəssis hazırlığı həyata keçirilir.

Fakültədekanları

Kafedra müdirləri 

Ətraflı