Professor İramin İsayev və f.ü.e.d. dosent Müslüm Nəzərovun “A.O.Çernyayevskinin pedaqoji irsinin tədqiqi tarixindən” adlı kitabı Almaniyada ingilis dilində nəşr olunub. Bu kitabda Azərbaycan məktəbi və pedaqoji fikrinin inkişafında, müəllim və pedaqoji kadrların hazırlanmasında xüsusi xidmətlər göstərmiş görkəmli maarif xadimi A.O.Çernyayevskinin pedaqoji fəaliyyəti və pedaqoji görüşlərindən, eyni zamanda, onun XIX əsrin ikinci yarısında Azərbaycan Rusiya pedaqoji əlaqələrinin qurulmasında rolundan bəhs olunur. Kitabda əsasən akademik H.Əhmədovun tədqiqatlarına istinad olunmuşdur.